Mıyna zaqym kelip, qaıtys bolǵan 23 jasar almatylyq jigittiń aǵzalary 4 adamnyń ómirin qutqardy

ALMATY. QazAqparat - Mıyna zaqym kelgen 23 jasar almatylyq jigittiń júregi, baýyry, búırekteri 4 adamnyń ómirin qutqardy. Dárigerler jigittiń mıy ólgenin habarlaǵan soń anasy onyń múshelerin 4 adamǵa aýystyryp salýǵa kelisim bergen. Bul týraly búgin Almaty qalalyq №7 aýrýhanasynyń bas dárigeri Baımahanov Bolatbek habarlady.

Qazirgi tańda Aleksandrdyń júregi Astanaǵa jiberilse, bir búıregi Syzǵanov atyndaǵy hırýgııa ortalyǵyna jiberildi.

"Bizde birinshi ret qaıtys bolǵan adamnyń aǵza múshelerin aýystyrý boıynsha alǵashqy ota jasaldy. Mundaı operatsııalardy jasaýga memleket úlken qoldaý kórsetip keledi. "Salamatty Qazaqstan" baǵdarlamasy aıasynda júzege asyrylyp otyr. Qaıtys bolǵan adamnan alynǵan múshelerdi qabyldaǵan adamdardyń qazir jaǵdaılary turaqty. Shyǵýǵa daıyndalyp keledi", - dedi qalanyń bas transplantology Baımahanov Bolatbek.

Donordyń baýyry qańtardyń 5 kúni 1974 jyly týylǵan kelinshekke, bir búıregi 1968 jyly týylǵan er adamǵa salyndy. Ota 8 saǵatqa sozylǵan.

Elimizde byltyr 222 transplantologııalyq ota jasaldy. Onyń ishinde júrekke - 7, baýyrǵa - 25, qalǵany búırek aýystyrý boıynsha jasaldy.