Mıyna bes santımetr shege kirgen qytaılyq aman qaldy
ASTANA. QazAqparat - Qurylys jumystary kezinde basyna bes santımetr shege kirgen qytaılyq Hýbeı provıntsııasynyń turǵyny aman qaldy, dep habarlady China News Service agenttigi.
12 sáýirde Tszygýı ýezindegi aýyldardyń birinde bolǵan bul oqıǵa jazataıym jaǵdaı saldarynan bolǵany habarlanady. Er adam ýezdegi aýrýhanaǵa, keıinnen Ichan qalasynyń aýrýhanasyna jetkizildi.
Beısenbide aýrýhananyń neırohırýrgııalyq bólimshesiniń meńgerýshisi Chjao Dýngan er adamnyń basyna bes santımetr kirgen shegeniń uzyndyǵy 8 santımetr ekenin habarlady. Hırýrg túsindirgendeı, er adamdy aýrýhanaǵa ákelgen sátte ol es-tússiz bolǵan.
Shege ómirlik mańyzdy qan tamyrlaryn zaqymdamaǵan. Onyń kúrdeli bolýy saldarynan dárigerler shegeni naýqastyń qaýipsizdigi úshin súıek tininiń bóligimen qosa alýdy jón sanaǵan. Ota eki saǵatqa sozylyp, sátti aıaqtaldy.
Qazir er adam aýrýhanada em alýda.
