Mııaly qorǵanynan tabylǵan jaýyngerdiń bas súıegin Majarstan ǵalymdary zertteıtin boldy
Majarstannyń ǵalymdary Atyraýǵa arnaıy maqsatpen kelgen. Olar Qyzylqoǵa aýdany Mııaly qorǵanynan tabylǵan «temir saýytty» bahadúrdiń bas súıegine antropologııalyq jáne radıokorbondyq zertteýler júrgizip, rekonstrýktsııalyq músinin jasaıdy. Olardyń qatarynda Vengr jaratylystaný ǵylymdary mýzeıiniń antropology, Majar-Turan qorynyń prezıdenti Andrash Jolt Bıro, Vengr jaratylystaný ǵylymdary mýzeıiniń antropology Jolt Bernert pen Vengr jaratylystaný ǵylymdary mýzeıiniń arheology, sarapshy-tehnık Norbert Gogosh bar.
Óz sózinde aımaq basshysy Mahambet Dosmuhambetov Táýlsizdik alǵannan beri ulttyq tarıhty túgendeýge qatysty aýqymdy jumystar tolassyz jasalyp kele jatqanyna toqtaldy. Sonymen qatar, ejelgi tarıhty bútindeýde majar ǵalymdarynyń mol tájirıbesiniń paıdasy tıetinine senetinin jetkizdi.
«Tarıhshylarymyz Atyraý óńirinde áli zertteýdi qajet etetin 700-den astam qorǵan bar deıdi. Olardyń zerttelgenderi saýsaqpen sanarlyq. Qazirgi tańda kóne Saraıshyq qalasynda qazba jumystary júrgizilip jatyr. Ony áli de tereńdete túsýdi oılastyryp otyrmyz. Sondaı-aq, sońǵy jyldary kóptegen qundy jádigerler de tabylýda.
Jalpy elimizdiń tarıhy tereń ekenin jaqsy bilesizder. Zertteý jumystaryna zamanaýı tehnologııalardy paıdalana otyryp júrgizý, ashylǵan jańalyqtardy álemdik deńgeıde ǵylymı aınalymǵa engizý sııaqty jasalatyn jumystar kóp. Bul ultymyz úshin, keleshek urpaq úshin jasaıtyn basty mindetterimizdiń biri dep sanaımyn. Bunyń barlyǵy aınalyp kelgende jas býyn úshin tarıhı sana qalyptastyrýdyń negizi bolmaq»,- dedi Mahambet Dosmuhambetov.
«Qazaqstan biz úshin ekinshi Atamekenimiz. Óıtkeni, babalarymyz óz dáýirine osy uly daladan qonys aýdardy»,-dedi Vengr jaratylystaný ǵylymdary mýzeıiniń antropology Andrash Jolt Bıro. Onyń sózinshe, kóshpendiler órkenıeti adamzat úshin álemdegi teńdessiz jetistikterdiń biri ekenine toqtaldy. Sondaı-aq ol «Biz sonaý ǵun taıpalarynan bastap zertteý júrgizip kelemiz, negizinen majarlar men qazaqtardyń aralarynda tarıhı uqsastyqtar kóp. Bes qarýyn saılanǵan batyrlardyń ómir joldary kim-kimdi de beı-jaı qaldyrmaıdy, múmkindik bolsa alda kóptegen jumystar kútip tur dep oılaımyn»,- dedi
Sondaı-aq, Majarstanda kóshpendilderdiń órkenıetin pash etýge arnalǵan eki jylda bir ret bolatyn Turan quryltaıynyń uıymdastyrýshysy ekenine toqtalǵan Andrash Jolt Atyraý oblysy ákimi Mahambet Dosmuhambetovti tamyz aıynda ótetin kezekti aýqymdy is-sharanyń mártebeli qonaǵy bolýǵa shaqyrdy.
