Mııaly qorǵanynan tabylǵan saýytty adamnyń bas súıegi Majarstanda qalpyna keltiriledi
«Qyrym araly» ǵylymı-restavratsııalyq zertteý ortalyǵynyń jetekshisi Qyrym Altynbekovtiń málimetinshe, byltyrǵy maýsym-shildede Atyraý oblystyq tarıhı-ólketaný mýzeıiniń mamandary Mııaly qorǵanyna júrgizilgen qazba jumysy kezinde temir saýytty adamnyń súıegin tapqan. Súıek 3 metr tereńde saqtalǵan. Onymen birge, uzyndyǵy 1 metr semser, tabaq men ózge de zattar shyqqan.
«Temir saýytty adam el tarıhyna qosylatyn qundy jádiger. Sol sebepten, tarıhı jádigerdiń qundylyǵyn joıyp almaý úshin oǵan antropologııalyq, DNK zertteýler júrgizý qajet boldy. Zertteý jumysy bıylǵy qańtarda bastaldy. Alaıda, elimizde súıekterdiń morfologııa jáne metrıka analızin qamtıtyn antropologııa taldaýyn júrgizetin arnaıy mamandar joq. Soǵan baılanysty Majarstannan jaratylystaný salasynyń ǵylymı qyzmetkerleri shaqyrtyldy. Temir saýytty adamnyń bas súıegin qaıta qalpyna keltirý úshin keıbir bólikteri sol eldegi jaratylystaný ǵylymı ortalyǵyna jiberildi», - dedi Qyrym Altynbekov.
Eske sala ketelik, byltyr Atyraý oblysynda temir saýytty jaýynger tabylǵan bolatyn.
