Mıtropolıt Aleksandr qazaqstandyqtardy Rojdestvomen quttyqtady
«Rojdestvo meıramy kezinde biz Qudaıdan beıbitshilik, otbasylarmyzda, jaqyn adamdar men beıtanys jandar, túrli din ókilderimen arada birlikti suraımyz, qaıǵyrǵanǵa jubanysh jáne qaıyrymdy jandarǵa shabyt tileımiz.
Mereke kezinde syılyq alyp qana qoımaı, ózgelerge de ony syılaý qajet. Eń úlken syı naqty qaıyrymdylyq jasaý», - dedi quttyqtaý sózinde Mıtropolıt.
Din qyzmetkeriniń aıtýynsha, shirkeý qaıyrymdylyq aktsııalaryna belsendi qatysady. Almatydaǵy Nıkolsk shirkeýinde osyndaı ispen aınalysatyn top bar. Ony Vıacheslav Pýgachev basqarady. Árbir eparhııada kómek kórsetetin toptar bar, sondaı-aq baspanasyzdardy panalatatyn oryn qurý qarastyrylýda.
Rojdestva merekesiniń basty dinı rásimi - merekelik lıtýrgııa. Ol kóneden kele jatqan dástúr boıynsha túnde jasalady. Almatydaǵy Voznesenskıı kafedraldyq soborynda qulshylyq rásimi 6 qańtarda saǵat 23:00-de bastalady ári ol túni boıy jalǵasady. Tańǵy qulshylyq 7 qańtarda saǵat 9-da Qazaqstandaǵy barlyq shirkeýlerde júrgiziledi.
