Mıtıng kezinde kezdeısoq ustalý degen bolmaıdy - polıtsııa
ALMATY. QazAqparat - Almatylyq polıtsııa departamenti azamattarǵa sanktsııalanbaǵan mıtıngten aýlaq júrý jóninde keńes berdi, dep habarlaıdy QazAqparat tilshisi.
Qalalyq polıtsııa jaqynda ekstremıstik qozǵalystyń sanktsııalanbaǵan mıtıngine qatysqany úshin birneshe adamdy ustady.
«Quqyq qorǵaýshylar kúdik týǵyzatyn basqosýlarǵa jınalmaýdy eskertedi. Bul mıtıngige sanktsııa berilmegen. Jaı ǵana ótip bara jatqan adamdarǵa qaýip joq, árıne. Olar tek oqıǵa ortasynda júrmese boldy», - dedi polıtsııa departamentiniń resmı ókili Saltanat Ázirbek.
Onyń aıtýynsha, mıtıngte kezdeısoq adam júrmeıdi.
«Adamdar qalaı osyndaı jaǵdaıǵa túsip qalady? Quqyq qorǵaýshylardyń eskertýine qaramastan kóp adam shoǵyrlanǵan jolmen ótýge tyrysady. Kezdeısoq adam bulaı istemese kerek. Eger kezdeısoq adam ustalsa, olardyń jeke tulǵasyn anyqtaǵan soń biz azamattardan keshirim suraımyz», - dedi S.Ázirbek.
Aıta ketý kerek, búgin polıtsııa ekstremıstik qozǵalysty nasıhattaǵany úshin birneshe adamdy ustaǵan bolatyn.
