«Mıster Qazaqstan-2017» konkýrsyna irikteý bastaldy
ASTANA. QazAqparat - «Mister Kazakhstan - 2017» ulttyq konkýrsynyń óńirlik kastıngi ashyq dep jarııalandy, dep habarlaıdy «QazAqparat» HAA tilshisi.
«Alǵashqy kastıng Astanada ótedi. Jas jigitter arasyndaǵy keıingi kastıngter myna qalalarda ótedi: Almaty, Shymkent, Qaraǵandy, Aqtóbe, Pavlodar, Óskemen, Semeı, Oral, Qostanaı, Qyzylorda, Atyraý, Petropavl, Aqtaý, Túrkistan, Kókshetaý, Taldyqorǵan, Taraz», - dep jazylǵan konkýrs dırektsııasynyń Instagramdaǵy resmı paraqshasynda.
Konkýrstyń sharty boıynsha, ótinishter 16-dan 25 jas aralyǵyndaǵy boıy 180 sm-den joǵary QR azamattarynan qabyldanady. Aıta keteıik, irikteý kezeńi 15 jeltoqsan kúni bastaldy. Qazirge deıin onlaın túrde 90 saýalnama toltyrylǵan.
Eske sala keteıik, bıylǵy jyly Almaty qalasynan qatysqan 25 jastaǵy hırýrg Zafar Sýleımenov konkýrs jeńimpazy atandy. Búgingi tańda ol sán áleminen alystaǵan. Sondyqtan, 26 aqpannan 6 naýryz aralyǵynda Perýde ótetin «Mister Real Universe 2016/2017» halyqaralyq konkýrsynda «Mister Kazakhstan 2016» fınalısi Bolat Muratbekov Qazaqstannyń namysyn qorǵaıdy.
