Mıster Bın musylmandyqty qabyldady
ASTANA. 3 qazan. QazAqparat - Eldiń ezýin jıdyrmaı, kúlli álemdi kúlkige kómip, kóterińki kóńil kúı syılaıtyn ataqty mıster Bın degen atpen tanymal brıtandyq syqaqshy Roýen Atkınson asyl dinimizge ótip, Allanyń aq jolyna tústi, dep habarlady muslim.kz.
Qazan aıynyń 1-i kúni Týnıstiń bılik basyndaǵy «ál-Nahda» («Jańǵyrý») partııasynyń jetekshisi Rashıd Gannýshı osyǵan oraı onyń izgi qadamyna qutty bolsyn aıtty. Ol óz quttyqtaýynda ony Allanyń aq jolynan taımaýǵa shaqyryp, tilektes ekenin bildirdi. Bir aıta keterligi, olar burynnan bir-birimen tanys ári kezinde syılas, qımas dostar bolǵan.
«Ýıkıpedııadaǵy» maqalada aıtylǵandaı, mıster Bın ıslam dinine 2013 jyldyń qazan aıynyń 1-i kúni ótken eken. Onyń mundaı qadamǵa barýyna adamzattyń ardaqtysy Muhammed paıǵambarymyz (Allanyń sálemi men ıgiligi jaýsyn) jaıly túsirilgen, álem musylmandarynyń ashý-yzasyna tıip, namysyn naızalaǵan fılmsymaǵy túrtki bolǵan. ıAǵnı, álgi fılmdegi burmalanǵan derekke, dáliregi, jalaǵa senbeı, ózi izdenip, ıslam dinimizben tanysady. Ol osylaısha Allanyń aq jolyna túsedi.
Ol buryn da ıslamofobııaǵa qarsy ekenin talaı ret dáleldep, málimdeme jasaǵan bolatyn.
