Mıssýrı gýbernatory Fergıýsonda komendanttyq saǵat engizdi
ASTANA. QazAqparat - Mıssýrı shatatynyń gýbernatory Djeı Nıkson Sent-Lýıs Fergıýson qalasy mańynda ýaqytsha komendanttyq saǵat engizdi. Esterińizge sala keteıik, bul eldi mekende polıtsııa qyzmetkeri Maıkl Braýn esimdi qara násildi jasóspirimdi atyp óltirip tastaýyna baılanysty 9 tamyzdan beri jappaı tártipsizdik jalǵasyp jatyr.
Endi kóshede júrýge tyıym salý merzimi túngi 12-den taǵy 5-ke deıin jalǵasady.
Ótken juma kúni qaladaǵy kóptegen dúkender qıratylǵan bolatyn. Al senbi kúni keshke shelektep quıǵan jańbyrǵa qaramaı, sherýshiler buryn da polıtseılermen qaqtyǵys jıi bolyp turatyn qaladaǵy eń iri kóshelerge shyqty. Olardyń qımyl-áreketin polıtseıler qadaǵalap turdy. Keıbirinde qalqan bolsa da, qaqtyǵys oryn almady.
Quqyqqorǵaý qozǵalysynyń belsendisi El Sharptonnyń málimdeýinshe, jeksenbi kúni de kezekti mıtıng ótedi. Onyń sendirýinshe, bul mıtıng beıbit túrde bolady.
