Mıssısıpı shtatynda 2013 jyly ǵana resmı túrde quldyqqa tyıym salyndy
ASTANA. 19 aqpan. QazAqparat - Mıssısıpı shtaty óz aýmaǵynda resmı túrde quldyqqa tyıym salǵan AQSh-tyń sońǵy aımaǵy atanyp otyr. Bul AQSh konstıtýtsııasyna 13-shi túzetý engizýdi ratıfıkatsııalaýdan keıin múmkin boldy. atalmysh túzetý AQSh-ta 148 jyl buryn óz kúshine engen bolatyn.
Bul týraly RBK habarlaıdy.
1995 jyly Mıssısıpı shtatynyń senaty men ókilder palatasy biraýyzdan bul qujatty qabyldaǵanyna qaramastan, onyń kóshirmesi AQSh-tyń Federaldyq tizimdemesine jetpegendikten, atalmysh qujattyń zańdy kúshi bolmaǵan. Zańnamadaǵy qatelikti Mıssısıpı Ýnıversıtetiniń professory Ranjaný Batre baıqaǵan. Stıven Spılbergtiń «Lınkoln» fılmin kórip, áser alǵan ol óz shtatynyń osy atalǵan túzetýdi engizgen/engizbegenin teksermekshi bolady.
Óziniń shtatynda resmı túrde quldyq ruqsat etilgenin anyqtap, professor tıisti organdarǵa habarlaıdy. 2013 jyldyń 7 aqpanynda Federaldyq tizimdeme dırektory Charlz Bart túzetý resmı túrde ratıfıkatsııalandy dep málimdedi.
AQSh-ta qul ıelenýshilik júıesi 1865 jyly AQSh Konstıtýtsııasyna 13-shi túzetý engizilgenge deıin bolǵan. Túrli derekter boıynsha 1619-1865 jyldary Amerıkaǵa quldyqqa satý maqsatynda Afrıkadan 10 mln.-nan astam adam ákelingen.
