Mıssısıpı ózeniniń jaǵalaý aýdandaryndaǵy myńdaǵan turǵyndar kóshirildi
ASTANA. 16 mamyr. QazAqparat - Mıssısıpı ózeniniń jaǵalaý aýdandarynda turyp jatqan 5 myńdaı adam sý basý qaýpi tónýine oraı kóshirildi, dep habarlaıdy ITAR-TASS.
Sýdyń eń joǵary deńgeıi qazir Vıksberg qala-portynda (Mıssısıpı shtaty) tirkelgen - 17,2 metr, bul 1927 jyly bolǵan sý tasqyny kezindegi 17,1 metr kórsetkishinen joǵary bolyp tur.
Senbi kúni jergilikti bılik Baton-Rýj jáne Jańa Orlean iri qalalarynyń, sonymen qatar, kóptegen kásiporyndar, munaı óńdeý zaýyttary jáne AES-tiń sý basýyn aldyn alý úshin Morganza qalasyndaǵy bógettiń shlıýzdaryn ashqan bolatyn.
Mıssısıpı ózeni tolassyz jaýyn men ótken qysta jaýǵan qardyń erýinen arnasynan asty. Qazirgi kezde, ózen arnasynda ornalasqan ondaǵan qalalar, Mıssısıpı, Tennesı jáne Arkanzas shtattaryndaǵy aýyl sharýashylyǵy alqaptary sý astynda qaldy.
