Mıssısıpı ózeni bógetti buzyp, bir qala sý astynda qaldy
NUR-SULTAN. QazAqparat - Ýaqytsha bógettiń buzylýy saldarynan Aıova shtaty Davenport qalasyn (AQSh) sý basyp qaldy. Sýdyń deńgeıi 1,8 metrge jetti. Turǵyndardyń kópshiligi aman qalý úshin jantalasyp úılerdiń shatyryna shyqty. Al, basqalaryn qutqarýshylar qaıyqqa salyp evakýatsııalady, dep habarlaıdy The Weather Channel.
Oqys oqıǵa ýaqytsha bógettiń jarylýynan boldy. Ol arnasy tasyǵan Mıssısıpıdiń tarmaǵy - Mıssýrı ózeninen qalany qorǵap turǵan edi. Munda sý deńgeıi óte joǵary, áli de kóterilip jatyr. Jumysshylar bógetke qum salynǵan qaptardy qoıyp, bekitpekke árekettendi. Alaıda, bul shara esh nátıje bergen joq.
Sý tasqyny saldarynan birneshe avtomobıl joldary jabyldy.
Ulttyq meteorologııalyq qyzmet Mıssısıpıde sýdyń deńgeıi eń joǵary rekordtyq kórsetkishke deıin kóteriledi dep boljap otyr.
