«Missis World-2018» jeńimpazy Ystyqkóldegi jol apatynda qaza tapty
BІShKEK. QazAqparat - Vetnamda ótken halyqaralyq baıqaýdyń («Miss Universe Beauty») «Missis World-2018» (2018 jylǵy álem mıssısi) atalymy boıynsha jeńimpaz, úsh balanyń anasy Sánııa Shákirova jol apatynda qaza tapty dep habarlaıdy QazAqparat qyrǵyzstandyq BAQ-tarǵa silteme jasap.
«2 maýsym saǵat keshki 21.00-der shamasynda 1987 jyly dúnıege kelgen taksı júrgizýshisi Ch.K. «Ravon-3 markaly kóligimen batysqa qaraı bara jatyp Shoqtal aýylyna taıaý jerde joldan shyǵyp ketip, jol shetindegi kedergige soǵylǵan.
Saldarynan 38 jasar Bishkek turǵyny S.R. Cholpon-Ata klınıkasyna jetkizilgen. Ekinshi jolaýshy - Shý oblysynyń turǵyny S.M. alǵan aýyr jaraqattardyń kesirinen oqıǵa ornynda kóz jumǵan. Taksıdiń júrgizýshisi ota jasaýǵa Bishkek qalasyndaǵy №4 qalalyq aýrýhanaǵa jetkizildi», dep jazady akipress.org.
Avtokólik aıyppul turaǵyna jetkizildi, tergeý amaldary bastalyp ketti.
Keıbir derekter boıynsha, qaza tapqan Sánııa Mámbetalıeva (Shákirova) - 2018 jyly Vetnamda ótken «Miss Universe Beauty» arýlar baıqaýynda «Missis World-2018» atalymy boıynsha jeńimpaz atanǵan.
