Mıssıonerlik qyzmetti júzege asyrýshylardy tirkeý ári baqylaý jumystaryn kúsheıtý mańyzdy - QR Din isteri agenttiginiń tóraǵasy
ASTANA. 13 maýsym. QazAqparat - Mıssıonerlik qyzmetti júzege asyryýshylardy tirkeý ári baqylaý jumystaryn kúsheıtý mańyzdy.
Bul týraly búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda elimizdiń Din isteri agenttiginiń tóraǵasy Qaırat Lama Sharıf aıtty.
Onyń atap ótýinshe, mıssıonerlerdi tirkeý Din isteri agenttiginiń departamentteri tarapynan júzege asyrylatyn bolady. Al olardyń qyzmetin baqylaýdy árbir memlekettik organ óz quzireti aıasynda qajetti deńgeıde júzege asyrýy tıis.
«Sonymen qatar dinı birlestikterdiń ózderi mıssıonerleriniń qyzmetterin zańǵa sáıkes júzege asyrýyna múddeli bola otyryp, memlekettik organdarǵa zańsyz qyzmetti toqtatýǵa yqpal etedi degen oıdamyz», - dedi agenttik basshysy.
Q.Lama Sharıftiń paıymynsha, bul jerde barlyq faktorlardy eskerý qajet. Eń aldymen zań turǵysynan alǵanda mıssıoner tikreýden ótken jeri boıynsha ǵana qyzmet jasaı alady.
«Osyǵan baılanysty mıssıonerlik qyzmetti júzege asyrýǵa ruqsat beriletin zańdy oryndar ǵıbadat úıleri bolyp tabylady», - dedi ol.
