Mıssıonerlerdiń jastarmen belsendi jumys jasaýy alańdatady - Q. Lama Sharıf
ASTANA. 13 maýsym. QazAqparat - Mıssıonerlerdiń qazaqstandyq jastarmen belsendi jumys jasaýy alańdatady.
Bul týraly búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda elimizdiń Din isteri agenttiginiń tóraǵasy Qaırat Lama Sharıf aıtty.
«Sebebi túrli destrýktıvti sektalar jas, qaıratty ári bilikti jastardy óz qatarlaryna tartqysy keledi. Sondyqtan jańa dinı, jalǵan dinı aǵymdardyń ókilderi bolyp tabylatyn mıssıonerler úshin jastar, ásirese stýdentter asa qyzyǵýshylyq týdyrady», - dedi agenttik basshysy.
Bul oraıda Q.Lama Sharıf egerde óńirlerde zańsyz mıssıonerlik qyzmetpen aınalysý faktileri anyqtalatyn bolsa, onda bıliktiń jergilikti, quqyq qorǵaý jáne arnaıy qyzmet organdary tıisti sharalar qoldanýy kerektigine basa nazar aýdartty.
