«Mıss Taldyqorǵan - 2017» anyqtaldy
TALDYQORǴAN. QazAqparat - Taldyqorǵannyń eń kórikti arýy anyqtaldy. «Mıss Taldyqorǵan - 2017» táji Jadyra Jumaǵulǵa buıyrdy. 20 jastaǵy boıjetken «Mıss Qazaqstan» baıqaýyna joldama aldy, dep habarlaıdy QazAqparat tilshisi.
Qazylar alqasy birneshe kezeńnen turatyn irikteý syndarynda arýlardyń ishinen 10 boıjetkendi tańdap, olar aqtyq dodaǵa joldama aldy.
Sheshýshi kezeń 3 týrdan turdy. Alǵashqy aınalymda boıjetkender ózin tanystyrsa, kelesi kezeńde arýlardyń sahnada ózin-ózi ustaýy, júris-turysy synǵa tústi. Sońǵy kezeńde boıjetkender keshki kóılekpen sahnaǵa shyqty. Baıqaý qorytyndysyna sáıkes, «Mıss Model» - Núsipova Aıym, «Mıss Brosh» - Kartaeva Əsel, «Mıss Sııanıe» - Kóbenova Amına, Mıss «Toı» event agency - Aqynbek Madına, «Mıss Alısa» - Imanǵalıeva Laýra. Olar baıqaý demeýshileriniń nomınatsııasy boıynsha jeńiske jetip, baǵaly syılyqtarmen marapattaldy. Sondaı-aq «Kórermen kózaıymy» nomınatsııasyn Amına Ádilǵazınova jeńip aldy. Al «ІІІ vıtse Mıss Taldyqorǵan» - Botagóz Tóleýhanova, «ІІ Vıtse Mıss Taldyqorǵan» -Sabına Tımýrqyzy, «І Vıtse Mıss Taldyqorǵan» - Aıda Kalıbaeva atandy. Mártebeli «Mıss Taldyqorǵan - 2017» tájisi - Jadyra Jumaǵulǵa buıyrdy.
