«Miss.kz-2012» sulýlyq ınternet-baıqaýynyń irikteý kezeńiniń jeńimpazdary anyqtaldy

«Qyrkúıek arýy» ataǵyn qaraǵandylyq Krıstına esimdi sulý jeńip alsa, «Saıttyń sulýy» ataǵy Aqsý qalasynyń turǵyny Gúldana esimdi boıjetkenge buıyrdy.

Bul týraly búgin «Ekspress K» gazetinde jaryq kórgen «Krasota ızmerıaetsıa v megabaıtah» maqalasynda jazyldy.

Miss.kz jobasy ótken jyly bastalǵanymen názik jandylardyń qyzyǵýshylyǵyn birden týdyrdy. Sulý qyzdar baıqaýdyń bas báıgesi - 300 myń teńgeni enshilegisi keldi. Aıtpaqshy, ońtústik astanada jobanyń áli úılenbegen uıymdastyrýshylarynyń biri Jangeldi Moldahmetov osyndaı erekshe jolmen ózine qalyńdyq tapqysy kelgendigi týraly qaýeset taraǵany bar.

Baıqaý belsendi ári qyzyqty ótýi úshin, joba avtorlary «Aı arýy» ataǵy úshin aı saıynǵy týrnırlerdi ótkizýdi sheshti. Jaqynda joba saıtynda qyrkúıek aıynyń eń sulý arýy úshin daýys berý aıaqtaldy.

- Anketany toltyrǵanda qyzdar ózderiniń tegin jazbaı, kóbine tek esimderin ataýmen shekteledi, - dedi «qalyńdyq izdeýshi» Jangeldi Moldahmetov. - Men qaraǵandylyq Krıstınany «Qyrkúıek arýy» ataǵymen quttyqtaımyn. Sondaı-aq men «Saıttyń arýy» ataǵyna ıe bolǵan 18 jasar Gúldanaǵa sáttilik tileımin. Biz jeńimpaz táji úshin úmitkerlerge qatań talap qoımaımyz. Otandyq ǵalamtordyń hanshaıymy kóztartarlyq, kámelettik jasqa tolǵan jáne turmysta bolmaýy kerek. Onyń boıynyń uzyndyǵy, salmaǵy men beliniń kólemi aıtarlyqtaı mańyzdy emes.