«Mıss Belarýs-2018» kastıngine 700 arý qatysty

ASTANA. QazAqparat - "Mıss Belarýs-2018" baıqaýynyń kastıngine 700-den astam arý qatysty, dep habarlaıdy BELTA ONT telearnasyna silteme jasap.

Fınaldyq irikteý 10-11 aqpan kúnderi Mınskide ótti. «Álem arýy» baıqaýynda Belarýs memleketin tanystyratyn sulýdy tańdap alý úshin qazylar úmitkerlerdi qatań synaqtan ótkizdi.

Aldymen jobanyń shyǵarmashylyq toby «Mıss Belarýs-2018» baıqaýyna túsken 300 saýalnamany saralaıtyn bolady. Onyń ishinen iriktelgen 80-100 arý Mınsk qalasyna shaqyrylyp arnaıy suhbattan ótedi. Іrikteý komıssııasy tek 30-yn ǵana tańdap alady. Olar fınalda eń sulý Belarýs qyzy ataǵyna talasady»,-deıdi  ONT arnasyndaǵy arnaıy jobalar dırektsııasynyń dırektory Ivan Podrez.

Baıqaý 4 mamyr kúni ótedi. Jeńimpaz táj ben álemdik baıqaýda Belarýs memleketin tanystyrý quqyna ıe bolyp qana qoımaı, aqshalaı syıaqy men Geely Atlas avtokóligine ıe bolady. Syılyqtardy baıqaýdyń buǵan deıingi jeńimpazdary tapsyrady.