«Mıss Azııa Reseı-2018» baıqaýy: Qazaqstan atynan aqtaýlyq arý qatysady
ASTANA. QazAqparat - Jámılá Nuralıeva esimdi aqtaýlyq arý «Mıss Azııa Sankt-Peterbýrg-2018» baıqaýynyń qorytyndysy boıynsha úzdik úshtikke enip, «Mıss Tolerantnost» atalymyn jeńip aldy. Endi ol «Mıss Azııa Reseı-2018» baıqaýynda Qazaqstan atynan synǵa túsedi, dep habarlaıdy Lada.
Jámıla bul baıqaýda taǵy bir qazaq qyzy baq synap jatqanyn aıtty. Biraq ol Túmen oblysy atynan qatysady.
«Taǵy bir qazaq qyzy bar. Ol Túmen oblysy atynan synǵa túsedi. Baıqaýǵa qatysýshylardyń kóbi Reseı aýmaǵynda turatyndyqtan, olar ózderi turatyn qalalardyń atynan qatysady. Al men sekildi Reseıden tys aýmaqta turatyn qatysýshylar óz eliniń atynan shyǵady. Men Qazaqstan atynan jalǵyz qatysýshymyn», - dedi ol.
