«MISS ALMATY - 2017» baıqaýynyń negizgi qupııasy jarııa boldy
ALMATY. QazAqparat - «MISS ALMATY - 2017» aımaqtyq baıqaýynyń negizgi qupııasy jarııa boldy. Baıqaýdyń dırektory Sovet Seıitov jeńimpaz qyz Fılıppınde ótetin «Ǵalamshar arýyna» qatysýǵa joldama alatynyn habarlady, dep habarlaıdy QazAqparat tilshisi.
«MISS ALMATY - 2017» aımaqtyq baıqaýynyń dırektory Sovet Seıitov aıtýynsha, baıqaýdyń aqtyq syny Almatydaǵy «Event Hall «AMURE» meıramhanasynda 11 qyrkúıek kúni ótedi.
«MISS ALMATY - 2017» baıqaýynyń aqtyq syny 11 qyrkúıekte ótedi. Oǵan 10 qyz qatysady. Álemniń eshbir elinde bizdegideı sulýlar saıysyna irikteý uzaq merzimde ótpeıdi. Bizdiń baıqaýymyzǵa irikteý 3 jarym aı ótti. Osy ýaqyt aralyǵynda qyzdar áleýmet, sport, shyǵarmashylyq jumystar boıynsha birneshe baǵdarlamalarǵa qatysty. Eń basty jańalyǵymyz, búgin resmı túrde habarlap otyrmyz, «MISS ALMATY - 2017» baıqaýynyń jeńimpazy 2018 jyldyń 30 qańtarynda Fılıppınde ótetin «Ǵalamshar arýy» baıqaýynyń aqtyq synyna qatysady. Sonymen qatar, jeńimpazymyz ben eki qatysýshymyz jeltoqsan aıynda Astanada ótetin «Qazaqstan arýy» baıqaýyna qatysady», - dedi Sábıt Saýytuly.
Uıymdastyrýshylardyń aıtýynsha, «MISS ALMATY - 2017» baıqaýyna barlyǵy 400 qyz ótinish bildirgen. Sonyń ishinen, 10 qyz aqtyq synǵa joldama aldy. Baıqaýdyń bıylǵy urany: «Almaty arýy - ǵalamǵa sapar» dep atalady.
