Mysyrdaǵy iri jol apatynan qaza bolǵandar arasynda qazaqstandyqtar bar ma
ASTANA. KAZINFORM – Mysyrdyń týrıstik aımaǵynda bolǵan jol apatynan 21 adam qaza tapty. Qazaqstannyń Syrtqy ister mınıstrligi qaza tapqandar arasynda Qazaqstan azamattary joq ekenin habarlady.
2 qyrkúıekte Mysyrdyń Ońtústik Sınaı provıntsııasyndaǵy Dahab – Nýveıba tasjolynda jolaýshylar avtobýsy aýdaryldy. Qyzyl teńiz jaǵalaýyndaǵy bul aımaq týrıster arasynda tanymal.
Alǵashqy málimet boıynsha, apattan 16 adam qaza taýyp, 28 adam zardap shekken. Keıin Mysyrdyń Densaýlyq saqtaý mınıstrligi qaza tapqandar sany 21-ge jetkenin habarlady.
Qazaqstannyń Syrtqy ister mınıstrligi apatqa qatysty aqparatty tekserdi. Vedomstvonyń Kazinform tilshisine bergen málimetinshe, qaza tapqandar men zardap shekkender arasynda Qazaqstan azamattary joq.
Mysyrdyń Densaýlyq saqtaý mınıstri Haled Abdel-Ǵaffardyń tapsyrmasymen óńirdegi medıtsınalyq qyzmetter joǵary daıyndyq rejımine kóshirildi. Apat ornyna 20 jedel járdem kóligi jumyldyryldy.
Buǵan deıin QR Densaýlyq saqtaý mınıstrligi jol apaty kezinde zardap shekkenderge alǵashqy kómek kórsetý tártibin túsindirgen edi.
