Mysyrda jol-kólik oqıǵasy saldarynan 11 adam qaza taýyp, 10 adam jaraqat aldy

ASTANA. KAZINFORM — Juma kúni Mysyrdyń El-Mınıa provıntsııasyndaǵy shóldi tasjolda eki avtokóliktiń soqtyǵysýy saldarynan 11 adam qaza taýyp, taǵy 10 adam jaraqat aldy. Bul týraly Sınhýa agenttigi habarlady.

Jergilikti qaýipsizdik organdaryndaǵy derekkózge súıensek, jol-kólik oqıǵasynda júk kóligi men pıkap soǵysqan. Oqıǵa ornyna qaýipsizdik kúshteri men jedel járdem brıgadalary jetip, jaraqat alǵandardy jaqyn mańdaǵy aýrýhanalarǵa jetkizgen.

Kólik qozǵalysyn qalpyna keltirý úshin joldan kólikterdiń synyqtary tazartyldy. Apattyń naqty sebepterin anyqtaý maqsatynda aldyn ala tergeý bastaldy.

Mysyrda jyl saıyn jol-kólik oqıǵalary saldarynan myńdaǵan adam qaza tabady. Bul kóbine jyldamdyqty asyrý, jol erejelerin buzý jáne joldardyń nashar jaǵdaıymen baılanysty. Sońǵy jyldary Mysyr bıligi kólik qozǵalysynyń qaýipsizdigin arttyrý jáne jol jaǵdaıyn jaqsartý úshin jol ınfraqurylymyn jańǵyrtý jumystaryn júrgizip keledi.

Aıta kesek, 8 qańtar kúni Almaty mańyndaǵy jantúrshigerlik jol apatynan úndistandyq stýdentter qaza tapty.