Mysyrda jol apatynan úsh katarlyq dıplomat qaza tapty

ASTANA. KAZINFORM — Gaza sektoryndaǵy qaqtyǵysty retteý jónindegi kelissózderde Katar delegatsııasynyń quramyndaǵy úsh dıplomat Sharm-el-Sheıh mańynda bolǵan jol-kólik oqıǵasynda qaza tapty. Bul týraly Report agenttigi jazdy.

Agenttiktiń habarlaýynsha, Katar delegatsııasy mingen kólik Sharm-el-Sheıh konferents-ortalyǵy mańynda apatqa ushyraǵan. Oqys oqıǵadan 3 dıplomat qaza taýyp, taǵy ekeýi jaralandy. Qazir olar jansaqtaý bóliminde jatyr.

Aıta keteıik, 13 qazanda «Sharm-el-Sheıh beıbitshilik sammıti» ótedi. Oǵan 20 eldiń basshysy shaqyrylǵan.

Eske salaıyq, aldaǵy apta basynda ótetin jıynǵa BUU Bas hatshysy qatysady.

Sondaı-aq sammıtke AQSh prezıdenti Donald Tramp ta barady.