Mysyrda shaǵyn avtobýs pen júk kóligi soqtyǵysyp, 10 adam qaza tapty
ASTANA. KAZINFORM – Mysyr astanasy Kaırdiń batysynda shaǵyn avtobýs pen júk kóligi soqtyǵysyp, keminde 10 adam qaza tapty. Taǵy 24 adam jaraqat aldy, dep habarlaıdy Anadolu Ajansı.
Mysyr Densaýlyq saqtaý mınıstrliginiń málimetinshe, jol apaty Gıza provıntsııasyndaǵy 6 qazan aýdanynda, Orta aınalma jol men Dabaa tasjolynyń qıylysynda bolǵan.
Jolaýshylar tasymaldaıtyn shaǵyn avtobýs pen júk kóliginiń soqtyǵysýy saldarynan 10 adam kóz jumyp, 24 adam túrli jaraqat alǵan. Zardap shekkenderdiń 10-ynyń jaǵdaıy turaqsyz dep baǵalanyp otyr.
– Zardap shekkenderge kómek kórsetý úshin barlyq qajetti resýrstar jumyldyryldy. Dári-dármek, donorlyq qan jáne medıtsınalyq materıaldarmen qamtamasyz etý sharalary qabyldandy, – dep málimdedi Mysyrdyń Densaýlyq saqtaý mınıstrligi.
Qazirgi ýaqytta zardap shekkenderge medıtsınalyq kómek kórsetilip jatyr.
Aıta keteıik, bıyl qyrkúıek aıynda Mysyrda jolaýshylar avtobýsy aýdarylyp, 16 adam qaza tapqan edi. Taǵy 28 adam jaraqat alǵan bolatyn.
