Mysyrda poıyz apatynan keminde 150 adam zardap shekti
ASTANA. KAZINFORM — Mysyrda poıyzdyń tórt vagony relsten shyǵyp ketip, keminde 150 adam zardap shekti. Bul týraly Kazinform agenttigi TASS-qa silteme jasap habarlady.
TASS-tyń Mysyrdaǵy Masrawy portalyna silteme jasap habarlaýynsha, temirjol apaty El-Aııat qalasynyń mańynda bolǵan.
Oqıǵa ornyna keminde 50 jedel járdem kóligi jiberilgen. Zardap shekkender men qaza tapqandardyń naqty sany ázirshe belgisiz. Málimet áli de naqtylanyp jatyr.
Quqyq qorǵaý organdary apattyń sebepterin anyqtap, keltirilgen shyǵyndy baǵalap jatyr.
Buǵan deıin Ispanııanyń kólik mınıstri Oskar Pýente 28 qazanda Toledo provıntsııasynda bolǵan temirjol apatynan keıin qyzmetinen ketken edi. Birinshi vıtse-premer ári ekonomıka mınıstri Karlos Kýerpo Kólik jáne turaqty mobıldilik mınıstrliginiń mindetin ýaqytsha basqaratynyn habarlaǵanbyz. Eki poıyzdyń soqtyǵysýy saldarynan 69 adam qaza tapty. Bul elde jyl basynan beri bolǵan ekinshi iri temirjol apaty edi.
