Mysyrda mert bolǵan qazaqstandyq: Bas prokýratýraǵa suranys túspegen
ASTANA. KAZINFORM — Sharm-esh-Sheıh áýejaıynda reısti kútip turǵan jolaýshylar aýmaǵynda jarnama taqtasy qulap, Qazaqstan azamatynyń mert bolýyna qatysty bastalǵan tergeýdiń mán-jaıyn Bas prokýratýradan suraǵan edik.
— Mysyr Arab Respýblıkasynda 2025 jylǵy 17 mamyrda qaza bolǵan Qazaqstan azamaty A. Muqanovaǵa qatysty jaǵdaı tıisti tergeý júrgizetin Mysyr eliniń quzyretti organdarynyń qaraýynda. Osy oqıǵa boıynsha Mysyr quqyq qorǵaý organdarynan Qazaqstan Respýblıkasynyń Bas prokýratýrasyna suranys túsken joq, — degen habar aldyq Bas prokýratýradan.
Sondaı-aq Bas prokýratýra «Qazaqstan Respýblıkasynyń dıplomatııalyq qyzmeti týraly» Zańynyń 5-babyna sáıkes, sheteldegi Qazaqstan azamattarynyń quqyǵy men múddesin qorǵaý dıplomatııalyq qyzmet organdarynyń aıryqsha quzyretine jatatyndyqtan, tıisti jumysty Qazaqstan Respýblıkasynyń Mysyr Arab Respýblıkasyndaǵy Elshiligi júrgizip jatqanyn habarlady.
Eske salaıyq, bıyl mamyrda Sharm-el-Sheıh áýejaıynda reısti kútip turǵan jolaýshylar turǵan aýmaqta jarnama taqtasy qulady. Oqıǵanyń saldarynan qazaqstandyq áıel mert boldy, taǵy eki otandasymyz jaraqat aldy.
Sondaı-aq Mysyrda mert bolǵan Qazaqstan azamatynyń múrdesi elge jetkiziletini týraly habarlaǵan edik.
Aıta ketsek, Mysyrda mert bolǵan qazaqstandyq áıeldiń jaqyndaryna ótemaqy tólenedi.