Mysyrda mert bolǵan Qazaqstan azamatynyń múrdesi elge jetkiziledi
ASTANA. KAZINFORM – Mysyrda mert bolǵan otandasymyz Aqmaral Muqanova men onyń uly saqtandyrylǵan.
Nomad Insurance saqtandyrý kompanııasy týrıstik operatordan qaıǵyly oqıǵa jaıly aqparat túskennen keıin birden múrdeni elge jetkizý shyǵyndaryn jabý úshin kepil berilgen qarajatty aýdarǵan. Quzyretti organdardyń sheshimine baılanysty múrde Sharm-esh-Sheıhtan ne Kaırden jetkizý josparlanyp otyr.
18 mamyrda Sharm-esh-Sheıh áýejaıynda reısti kútip turǵan jolaýshylar turǵan aýmaqta jarnama taqtasy qulady. Oqıǵanyń saldarynan qazaqstandyq áıel mert boldy, taǵy eki otandasymyz jaraqat aldy.
Oqıǵa týraly aqparat birden prokýratýra organdaryna joldandy. Resmı túrde qylmystyq tergeý bastaldy. Áýejaı ákimshiligi men jarnama agenttiginiń ókilderi jan-jaqty jáne ashyq tergeý júrýi úshin quqyq qorǵaý organdarymen yntymaqtasa iske atsalysyp jatyr.
Al keshe Aqmaral Muqanovanyń jan qurbysy Venera Iskakova marqumnyń múrdesin elge, Aqtóbe qalasyna jetkizý úshin kómek suraǵan edi.