Mysyrda eki jolaýshy poıyzy soqtyǵysty: 3 adam qaza taýyp, 49 adam jaraqat aldy
ASTANA. KAZINFORM – Mysyrdyń Sharkııa provıntsııasynda eki poıyzdyń soqtyǵysýy saldarynan úsh adam qaza taýyp, taǵy 49 adam jaraqat aldy, dep habarlaıdy Sınhýa aqparat agenttigi.
Oqıǵa ornyna 39 jedel járdem kóligi jiberildi.
Mysyr Densaýlyq saqtaý mınıstrligi málimdeme jasap, jaraqat alǵan 44 adamnyń densaýlyq jaǵdaıy qalypty ekenin aıtty. Jaqynda olar aýrýhanadan shyǵarylady. Taǵy bes adam qosymsha baqylaýdy qajet etedi.
Sharkııa gýbernatory Hazem ál-Ashmýnıdiń habarlaýynsha, barlyq jolaýshylar eki poıyzdan evakýatsııalanǵan jáne temirjol jelisindegi poıyzdar qyzmetin qalpyna keltirýge kúsh salynyp jatyr.
Mysyrdyń Ulttyq temirjol basqarmasynyń atap ótýinshe, apattyń tehnıkalyq sebepterin anyqtaý úshin temirjol mamandary jumyldyrylǵan komıtet qurylǵan.
Buǵan deıin Reseıdiń Volgograd oblysynda jolaýshylar poıyzynyń segiz vagony relsten shyǵyp ketkeni týraly jazǵan bolatynbyz. Adamdar zardap shekti.
Belgııada da temirjol apaty boldy. TGV júrdek poıyzy joǵary jyldamdyqpen traktor tirkemesin soqty. Poıyzdyń eki jolaýshysy aýyr jaraqat aldy. Fermer aman qaldy.
Aqparatty Kazinform agenttigi úshin Sınhýa seriktes agenttigi arnaıy usyndy.
