Mysyrda dúkender erte jabylyp, jaryq berý shekteldi

ASTANA. KAZINFORM — Mysyr janarmaı daǵdarysy aıasynda únemdeý sharalaryn engizdi, dep habarlaıdy Al Jazeera.

AQSh pen Izraıldiń Iranǵa qarsy áreketteri Ormýz buǵazynyń jabylýyna ákelip, álemdik janarmaı daǵdarysyn týyndatty. Saldarynan munaı men gaz tasymaldaıtyn myńdaǵan tanker qozǵalysy shekteldi.

Elde janarmaı baǵasy 14–30%-ǵa qymbattady. Degenmen, Mysyr bıligi jaǵdaıdy baqylaýda ustap otyrǵanyn málimdep, birqatar únemdeý sharalaryn engizdi. Máselen, eldegi dúkender, saýda ortalyqtary men meıramhanalar keshki saǵat 21:00–de (beısenbi jáne juma kúnderi — 22:00–de) jabylatyn boldy.

Sonymen qatar:

— Memlekettik qyzmetkerlerge arnalǵan janarmaı lımıti 30%-ǵa qysqartyldy;
— Kóshedegi jaryqtandyrý men jarnama 50%-ǵa azaıtyldy;
— 1 sáýirden bastap jeksenbi kúnderi memlekettik qyzmetkerler qashyqtan jumys isteıdi.

Sonymen qatar, Malaızııada da sheneýnikter qashyqtan jumysqa kóshti, Fılıppınde tórt kúndik jumys aptasy engizildi, al Taıland pen Vetnamda memlekettik qyzmetkerlerge jolǵa az shyǵý usynyldy.

Osyǵan deıin Mysyrda 1 naýryzdan bastap sheteldikter úshin vıza aqysy kóteriletinin jazdyq.