Mysyrda avtobýs pen júk kóligi soqtyǵysyp, 12 adam qaza tapty
ASTANA. KAZINFORM – Mysyrda Kaır qalasynan ońtústik-batysqa qaraı ornalasqan tasjolda avtobýs pen júk kóligi soqtyǵysyp, 12 adam qaza tapty, taǵy 30 adam jaraqat aldy, dep habarlaıdy Sınhýa agenttigi.
Mysyrdyń Densaýlyq saqtaý jáne halyq sany mınıstrliginiń málimetinshe, jol apaty seısenbi kúni Kaır – Asıýt batys shól tasjolynda bolǵan. Jeke kompanııaǵa tıesili avtobýs júk kóligimen soqtyǵysqan.
حادث مروع على طريق أسيوط الغربي.. 30 سيارة إسعاف تتحرك https://t.co/RFQBZBU7Xv
— مصراوي (@masrawy) October 20, 2026
الأتوبيس مقسوم نصين.. لحظة رفع حطام حادث طريق أسيوط الغربي بعد وفاة 12 راكب https://t.co/VQT21VaAkG
— Huna Masr هنا مصر (@hnamasr) October 20, 2026
Oqıǵa ornyna 28 jedel járdem kóligi jiberilip, zardap shekkender jaqyn mańdaǵy Gıza provıntsııasynyń aýrýhanasyna jetkizildi.
Densaýlyq saqtaý mınıstri Haled Abdel Gaffar jaqyn mańdaǵy aýrýhanalarǵa zardap shekkenderge qajetti medıtsınalyq kómek kórsetýdi tapsyrdy.
Mınıstrlik qaza tapqandar men jaralanǵandar týraly málimetter aldyn ala ekenin atap ótti. Qazirgi ýaqytta zardap shekkenderdi anyqtaý jáne oqıǵanyń mán-jaıyn tekserý jumystary jalǵasyp jatyr.
Eske sala ketsek, buǵan deıin Tanzanııanyń shyǵysyndaǵy Morogoro óńirinde jolaýshylar avtobýsy men júk kóligi betpe-bet soqtyǵysyp, sonyń saldarynan keminde 28 adam qaza tapqan edi.
