Mysyrda 10 myń jyl burynǵy tastar arasynan baspana tabyldy

ASTANA. KAZINFORM — Mysyrlyq arheologtar Sınaı túbeginde shamamen 10 000 jyl buryn jasalǵan jartastardan baspana tapty, dep habarlaıdy Sınhýa.

Mysyrdyń Týrızm jáne kóne jádigerler mınıstrliginiń málimetinshe, baspana Ońtústik Sınaı provıntsııasyndaǵy Djabal-Ýmm-Arak taýynda tabylǵan. Mınıstrlik qumtastan jasalǵan tabıǵı baspananyń tarıhı jáne kórkemdik qundylyǵy zor ekenin atap ótti.

Nysannyń uzyndyǵy 100 metrden asady. Tóbesinde janýarlardyń, sımvoldyq fıgýralardyń jáne ártúrli dáýirdegi kúndelikti ómir kórinisterin qyzyl jáne sur tústermen beınelengen. Keıbir kórinister bizdiń dáýirimizge deıingi 10 000-5500 jyldar aralyǵyna jatady.

Beıneler arasynda sadaq pen ıt ustaǵan ańshylar, túıe men atqa mingen shabandozdar, ertedegi arab jazýlary bar.

Týrızm jáne kóne jádigerler mınıstri Sherıf Fatı bul jańalyqtyń Sınaı túbeginiń baı mádenı murasyn rastaıtynyn jáne munda myńdaǵan jyldar boıy ártúrli órkenıettiń bolǵanyn kórsetetinin atap ótti.

Mınıstrliktiń habarlaýynsha, Ýmm-Arak tarıhqa deıingi dáýirlerden bastap erte ıslam kezeńine deıingi kórkemdik jáne sımvoldyq dástúrlerdiń damýyn kórsetetin ashyq aspan astyndaǵy tabıǵı murajaı.

Arheologtar qazba jumystary kezinde janýarlardyń qaldyqtary men turǵyn úılerdiń izderin de tapty. Bul baspananyń adamdar men janýarlardyń demalatyn orny retinde paıdalanylǵanyn kórsetedi. Ejelgi Egıpet, Rım jáne ortaǵasyrlyq kezeńderge jatatyn tas quraldar men qysh ydystardyń synyqtary da tabyldy.

Eske salaıyq, Nıý-Iork ǵalymdary jańa zertteýde Gızanyń uly pıramıdasy tepe-teńdik júıesi men shyǵyr tárizdi mehanızmder arqyly salynǵan degen qorytyndyǵa keldi.