Mysyr sheteldik týrıster úshin qaýipsiz el bolyp qala beredi – Mysyr Syrtqy ister mınıstri
ASTANA. KAZINFORM - Qazaqstan Respýblıkasynyń Syrtqy ister mınıstri Ermek Kósherbaev Mysyr Arab Respýblıkasynyń Syrtqy ister, halyqaralyq yntymaqtastyq jáne sheteldik mysyrlyqtar jónindegi mınıstri Badr Ábdelatymen telefon arqyly sóılesti.
QR Syrtqy ister mınıstrligi baspasóz qyzmetiniń habarlaýynsha, áńgime barysynda taraptar Taıaý Shyǵysta qalyptasqan kúrdeli jaǵdaıdy talqylap, deeskalatsııa jáne barlyq daýly máselelerdi saıası-dıplomatııalyq jolmen halyqaralyq quqyq qaǵıdattarynyń sheńberinde retteýdiń mańyzdylyǵyn atap ótti.
Sonymen qatar mınıstrler ekijaqty yntymaqtastyqtyń qazirgi jaı-kúıi men ony odan ári damytý máselelerin de qarastyryp, saýda-ekonomıkalyq, ınvestıtsııalyq, mádenı-gýmanıtarlyq jáne kópjaqty formattaǵy ózara is-qımyldy keńeıtýge múddeliligin bildirdi.
B.Ábdelaty Mysyrdyń sheteldik týrıster úshin qaýipsiz el bolyp qala beretinin rastap, mysyrlyq bıliktiń bul baǵytta barlyq qajetti sharalardy qabyldap jatqanyn erekshe atap ótti.
Taraptar bıik jáne joǵary deńgeıde saparlar almasýdy jandandyrýǵa, sondaı-aq eki eldiń syrtqy saıasat vedomstvolary arasyndaǵy turaqty dıalogty jalǵastyrýǵa ýaǵdalasty.
Osyǵan deıin Mysyr vıza baǵasynyń ósýi týraly qaýesetterdi joqqa shyǵarǵan bolatyn.
