Mysyr ókili ıÝNESKO-nyń bas dırektory laýazymyna jalǵyz úmitker retinde usynyldy

ASTANA. KAZINFORM — Daýys berý qorytyndysy boıynsha ıÝNESKO Atqarýshy keńesiniń músheleri bas dırektor laýazymyna Haled Ál-Ananıdi kandıdatýrasyn usyndy, dep habarlaıdy uıymnyń baspasóz qyzmeti.

Bul usynys 6 qarashada Ózbekstannyń Samarqand qalasynda ótetin Uıymnyń Bas konferentsııasy barysynda ıÝNESKO-ǵa múshe barlyq memleketterdiń daýys berýine qoıylady. Kandıdat bas konferentsııada saılanǵannan keıin qarasha aıynyń ortasynda Odre Azýleniń ornyna qyzmetine kirisedi.

Haled Ahmed ál-Ananı Alı Ezz 1971 jyly dúnıege kelgen. Egıpettanýshy jáne Helýan ýnıversıtetiniń egıpetologııa professory. Ol 30 jyldan astam ýaqyttan beri osy oqý ornynda dáris beredi. Týrızm jáne qonaq úı sharýashylyǵy fakýltetiniń dekan orynbasary, Ashyq oqý ortalyǵynyń dırektory, týrızm menedjmenti kafedrasynyń meńgerýshisi qyzmetterin atqarǵan. Ol Monpeledegi (Frantsııa) Pol Valerı ýnıversıtetinde egıpetologııa boıynsha PhD dárejesin aldy, onda birneshe ret shaqyrylǵan professor boldy.

2014-2016 jyldary Egıpet órkenıetiniń ulttyq murajaıyn, 2015-2016 jyldary Kaırdegi Mysyr murajaıyn basqardy. 2016-2022 jyldar aralyǵynda Egıpet Arab Respýblıkasynyń Ejelgi eskertkishter mınıstri, sodan keıin Týrızm jáne kóne jádigerler mınıstri qyzmetin atqardy.

Birneshe halyqaralyq ǵylymı qoǵamnyń múshesi. 2024 jyldyń qarashasynda ol Dúnıejúzilik týrıstik uıymnyń Mádenı týrızm jónindegi arnaıy elshisi bolyp taǵaıyndaldy. Keıinirek Afrıka Dúnıejúzilik mura qorynyń senimdi ókili boldy. Ol birqatar halyqaralyq marapattarǵa ıe bolǵan. Arab, frantsýz jáne aǵylshyn tilderin meńgergen.

Aıta keteıik, Mańǵystaý jerasty meshitteri ıÝNESKO tizimine engizilmek.