Mysyr Aljırden munaı ımporttaıdy
ASTANA. KAZINFORM – Mysyr ishki naryqtyń qajettiligin qamtamasyz etý úshin Aljırmen shıki munaı satyp alý jóninde ózara túsinistik memorandýmyna qol qoıdy, dep habarlaıdy Anadolu.
Bul jóninde Mysyrdyń Munaı jáne mıneraldyq resýrstar mınıstrliginiń habarlamasynda aıtylǵan.
Qujat Mysyr men Aljırdiń ulttyq munaı-gaz kompanııasy Sonatrach arasynda jasalǵan. Qol qoıý rásimine Mysyrdyń munaı jáne mıneraldyq resýrstar mınıstri Karım Badavı men Aljırdiń energetıka jáne taý-ken ónerkásibi mınıstri Muhammed Arkab qatysty.
— Kelisim aıasynda Mysyr ishki naryqtyń qajettiligin óteý maqsatynda Aljırden shıki munaı ımporttaıdy, — delingen habarlamada.
Aljırdiń energetıka jáne taý-ken ónerkásibi mınıstrligi óz kezeginde bul kelisim shıki munaı men munaı ónimderin jetkizý jáne ótkizý jónindegi kelissózder aıasynda jasalǵanyn málimdedi.
AQSh, Izraıl jáne Iran arasyndaǵy qaqtyǵys saldarynan týyndaǵan energetıkalyq daǵdarys jaǵdaıynda Mysyr bıligi otyn ımporty kózderin ártaraptandyryp, birneshe elden satyp alýdy arttyryp otyr.
Aıta keteıik, Goldman Sachs málimetinshe, álemdik munaı qory kúrt azaıyp, sońǵy segiz jyldaǵy eń tómen deńgeıge jaqyndaǵan. Ormýz buǵazy arqyly jetkizilimderdiń shekteýli bolýy qorlardyń tez taýsylýyna qatysty alańdaýshylyq týǵyzyp otyr.
Aıta ketelik Álemdik munaı qory nebári úsh aıǵa jetetini týraly jazǵan edik.
