Mysyqqa sirke qyshqylyn shashyp jibergen pavlodarlyq 86 myń teńge aıyppul tóleıdi
PAVLODAR. KAZINFORM - Qańǵybas mysyqty asyrap alǵan jańa ıesine aıyptalýshy áıel ótemaqy tóleıdi. Úı janýarynyń aýyz qýysy men kóz qabyǵy, tynys alý joldary kúıgen.
Ótken jyldyń sońynda Pavlodar qalasyndaǵy kópaqabatty úılerdiń birinde áıel adamnyń mysyqqa sirke qyshqylyn shashyp jatqany jaıly beınejazba áleýmettik jelini sharlap ketken edi. Polıtseıler atalǵan oqıǵa boıynsha turǵynǵa qatysty QR Qylmystyq kodeksiniń 316-baby (Janýarlarǵa qatygezdikpen qaraý) boıynsha sotqa deıingi tergeý júrgizgenin habarlaǵan.
Pavlodar qalasynyń №2 soty atalǵan isti qaraı kelip, aıyptalýshynyń 2 balasy baryn jáne óziniń kinásin moıyndaǵany sebepti, oǵan jeńil jaza taǵaıyndady. Áıel 25 aılyq eseptik kórsetkish kóleminde aıyppul tóleıtin boldy. Sondaı-aq mysyqtyń jańa ıesine 17 myń teńge kóleminde ótemaqy tóleıdi.
