Mıshel Platını: Saıasatpen saıasatkerler aınalysýy tıis, sport adamdardy biriktirýi qajet
ASTANA. QazAqparat - Álemdik saıasattyń damý baǵytyna qaramastan, sport adamdardy biriktirýi shart, dedi búgin ÝEFA prezıdenti Mıshel Platını Astanada ótken ÝEFA kongresiniń qortyndysy boıynsha baspasóz máslıhatynda.
"Qazirgi ýaqytta saıası turǵyda kóptegen jaǵdaılar ózgerýi yqtımal. Saıası saýaldar, baıkot jasaý týraly talaptar - bizdi mundaı talaptar ábden mezi qyldy. Sportpen sharýasy joqtar osyndaı talaptardy oryndatýǵa shamalary jetip jatady. Qandaı da bir shara ótpesin, olar oǵan baıkot jasaýǵa asyq turady. Kerisinshe elshilikterdi, ekonomıkalyq kelisimderdi, elden elge qatynaıtyn ushaqtardy baıkottaý qajet. Biraq baıkot jasalý kerek bolsa, birinshi sport zardap shegetini nelikten?!" - dep qynjylady ÝEFA basshysy.
"Jaqynda ǵana Sochı Olımpıadasyna baıkot jarııalandy. Menińshe, sportqa shekteý qoıǵannyń ornyna, sol elge baryp, óz ustanymdaryńdy bildirýiń kerek. Saıasatpen saıasatkerler aınalysýy tıis, al sport adamdardy biriktiretin kúsh bolýy qajet", - dep atap ótti M. Platını.
