Mıshel Platını FIFA-ǵa jańa prezıdent kerek ekenin aıtty
ASTANA. QazAqparat - Eýropalyq fýtbol qaýymdastyǵy odaǵynyń (ÝEFA) basshysy Mıshel Platını Halyqaralyq fýtbol federatsııasynyń prezıdenti Iozef Blatterge halyqtyń kóńili tolmaıtynyn aıtty, dep jazady «VVS» agenttigi.
«Onyń otstavkaǵa ketýin suradym. Ol tyńdap, tym kesh ekenin aıtty», - dedi Platını baspasóz konferentsııasynda.
Platınıdiń sózine qaraǵanda, ÝEFA-nyń kóptegen múshesi FIFA prezıdentiniń saılaýynda Blatterdiń básekelesi - Iordanııa hanzadasy Alı bın Al- Hýseınge daýys beredi. Alaıda, odaq saılaýǵa baıkot jasamaıdy.
Blatterdiń otstavkaǵa ketý nıeti joq. Ol juma kúngi saılaýǵa qatyspaq.
Saılaý FIFA tarıhynda iri jemqorlyq iske qatysty daý kezinde óteıin dep otyr. Shveıtsarııalyq polıtseıler 26 mamyrda jemqorlyqqa qatysy bar degen kúdikpen uıymnyń 7 sheneýnigin ustaǵan. Іs boıynsha 14 adam tergelip jatyr.
