Mıshel Obama Aq Úıdiń aýlasyn «ogorodqa» aınaldyrdy
ASTANA. 28 naýryz. QazAqparat - Mıshel Obama ekologııalyq jaǵynan taza ári densaýlyqqa paıdaly ónimderdi taǵamǵa paıdalanýǵa úgit-nasıhat júrgizýde, dep habarlaıdy Ýtro.rý saıty.
AQSh prezıdenti Barak Obamanyń áıeli Mıshel Obama bıyl tórtinshi jyl qatarynan Aq Úı aldyndaǵy baqshada oqýshylarmen birge kókónis ekti. Ótken jyly AQSh-tyń birinshi hanymy baptaǵan baqshadan 350 keli kókónis jınap, olardy óz otbasy men qonaqtaryna taǵamdar daıyndaýǵa jumsalǵan bolatyn.
Mıshel Obama 1943 jyly Eleonora Rýzvelt qalaǵan dástúrdi qaıta jańǵyrtyp, Aq Úı aldynda kókónis ege bastaǵan. Ekinshi dúnıe júzilik soǵys kezinde Eleonora Rýzvelt el turǵyndaryna aýyr kezeńde azyq-túlikpen únemdi ári tıimdi qamtamasyz etýge qatysty úlgi kórsetken edi.
