Mısao Okava áıelder arasyndaǵy álemniń eń qart turǵyny atandy
ASTANA. 28 aqpan. QazAqparat - Japonııanyń týmasy Mısao Okava Gınnestiń rekodtar kitabynyń «ǵalamshardyń áıelder arasyndaǵy eń qart turǵyny» ataǵyna ıe boldy.
114 jastaǵy keıýana Osakada qarttar úıinde turady. Oǵan óziniń jańa dárejesin rastaıtyn sertıfıkat jiberildi. Bul qujat Mısao Okavanyń týǵany kúnine arnalǵan syı dese de bolady. Ol 5 naýryzda 115 jasqa tolady.
Ǵasyrdan da uzaq jasaǵan jan 1898 jyly dúnıege keldi, 1919 jyly turmysqa shyqty. Onyń úsh balasy, tórt nemeresi jáne alty shóberesi bar. Japondyq BAQ-dyń bergen málimetterine qaraǵanda, ol birde-bir ret aıtarlyqtaı qatty naýqastanyp kórgen emes.
Aıta keteıik, erler arasynda álemniń eń qart turǵyny da Japonııada turady. Ol - 115 jasta.
