Mırzıeev 1 oblys ákimin laýazymynan bosatyp, 16 aýdan jáne qala ákimine sógis jarııalady

TAShKENT. KAZINFORM – Ózbekstan prezıdenti Shavkat Mırzıeevtiń tóraǵalyǵymen ótken beıneselektor otyrysynda keıbir aýdan ákimderiniń ınvestıtsııa men eksport ósimine salǵyrt qaraǵany aıtyldy, dep habarlaıdy Kazinform agenttigi ÓzA-ǵa silteme jasap. 

Ótken jyly Bırýnı, Qaraózaq, Qońyrat, Peshký, ıAngıabad, Qamashı, Hanqa, Shavat aýdandaryna salynǵan ınvestıtsııa 15 mıllıon dollarǵa jetpegen. Eksport Romıtan, Dehqanabad, Mırıshkor, Chıraqchı, Narpaı, Nurabad jáne Gúlıstan aýdandarynda, Ohangaron qalasynda tómendedi. Osy 16 aýdan men qala ákimine sógis jarııalandy.

Syrdarııa aýdanynyń ákimi Akmaljon Mahmýdalıev óz óńirine ınvestıtsııa tartý, aýyl sharýashylyǵyn damytý jáne basqa da jumystarda kóp kemshilikke jol bergeni úshin qyzmetinen bosatyldy.

Endi ınvestıtsııany baqylaýdyń jańa júıesi qurylǵany aıtyldy. Osy oraıda Premer-mınıstr aı saıyn bıylǵy 42 mıllıard dollarlyq sheteldik ınvestıtsııa josparyn bekitse, oblys, qala, aýdan ákimderi, sala basshylary aptasyna eki kún ınvestıtsııamen aınalysady.

Sheneýnikter aımaqtarǵa shyǵyp, kásipkerlermen kezdesip, olardyń máselelerin sol jerde sheshýi kerektigi aıtyldy.

Eske sala keteıik, Ózbekstan men BAÁ strategııalyq áriptestik týraly deklaratsııaǵa qol qoıdy.