Mirjaqyp Dýlatovtyń 125 jyldyǵyna arnalǵan poshta markasy shyǵaryldy
ALMATY. 27 jeltoqsan. QazAqparat /Erbol Azanbek/ - Erteńnen bastap alashtyń ardaqty uly, aqyn, jazýshy Mirjaqyp Dýlatovtyń 125 jyldyǵyna arnalǵan poshta markasy aınalymǵa shyǵarylady. Bul týraly «Qazposhta» AQ-nyń baspasóz qyzmeti habarlady.
«Este qalatyn jáne merekelik kúnder» serııasymen shyǵarylǵan markada Mirjaqyp Dýlatovtyń beınesi keskindelgen. Kólemi 33 h 27,5 mm markanyń jalpy tırajy 3 000 000 dana. QR Ulttyq bankiniń banknot fabrıkasynda basylyp shyqqan markanyń sýretshisi Danııar Muhamedjanov.
Atalǵan markanyń tanystyrylymy erteń Almatydaǵy QR Ulttyq kitaphanasynda ótedi. Oǵan M.Dýlatovtyń nemeresi «Mektep» baspasynyń bas dırektory Erlan Satybaldıev pen «Qazposhta» AQ-nyń Basqarma bastyǵy Muhtar Ábdirahmanov qatysady.
