Myrzabosynov ıAsmına Toqsanbaevanyń isine qatysty túsinik berdi
ASTANA. KAZINFORM — Jeńil atlet ıAsmına Toqsanbaevanyń Azııa oıyndarynda alǵan altyn medalinen aıyrylýyna baılanysty is halyqaralyq sporttyq arbıtrajda qaralyp jatyr. Bul týraly QR Sport jáne týrızm mınıstri Erbol Myrzabosynov Ortalyq kommýnıkatsııalar qyzmetinde ótken baspasóz máslıhatynda jýrnalısterdiń suraǵyna jaýap bere otyryp málimdedi.
Mınıstrdiń aıtýynsha, qazirgi ýaqytta sportshynyń múddesin qorǵaý baǵytynda federatsııa tıisti jumystar júrgizip, arbıtrajdyq sotqa ótinimderin joldaǵan.
— Búginde ıAsmınanyń máselesi boıynsha federatsııa belsendi jumys istep jatyr. Arbıtrajdyq sotqa tıisti ótinimder berildi. Bul jerde eń mańyzdysy aldaǵy ýaqytta osyndaı jaǵdaılardyń qaıtalanýyna jol bermeý, — dedi Erbol Myrzabosynov.
Vedomstvo basshysy atalǵan jaǵdaıǵa qatysty jaýapkershilik máselesi de qaralatynyn aıtty. Onyń sózinshe, bul máselede sport komıtetinen bastap, federatsııa, Ulttyq olımpıada komıteti, jattyqtyrýshy jáne sportshynyń ózi de belgili bir jaýapkershilikke ıe.
Alaıda naqty kimniń kináli ekeni sot sheshimi shyqqannan keıin qarastyrylmaq.
— Biz arnaıy jol kartasyn ázirlep, osyndaı jaǵdaılardyń qaıtalanbaýy úshin jumys júrgizip jatyrmyz. Sottyń túpkilikti sheshimi shyqqannan keıin osy jaǵdaıǵa jaýapty adamdardyń máselesin qaraımyz, — dedi mınıstr.
Sonymen qatar Erbol Myrzabosynov sportshyǵa qoldaý kórsetý jumystary jalǵasatynyn atap ótti. Onyń aıtýynsha, ıAsmına Toqsanbaevanyń kórsetken nátıjesi Olımpıada oıyndarynda júldege talasýǵa múmkindik beretin deńgeıde.
Mınıstr federatsııa tarapynan sportshyǵa bıýdjetten tys qarajat esebinen Almaty qalasynan bir bólmeli páter berilgenin de jetkizdi. Buǵan qosa, buǵan deıingi Azııa chempıonaty men halyqaralyq jarystardaǵy jetistikteri eskerilip, memlekettik nagradamen marapattalǵan.
— Bizdiń basty qaǵıdatymyz sportshyny qoldaý. Jarys bir kúnmen shektelmeıdi, alda Olımpıada oıyndary bar. ıAsmınanyń nátıjesi Olımpıada júldegerleri qataryna kirýge múmkindik beretin deńgeıde. Sondyqtan biz oǵan jan-jaqty qoldaý kórsetýdi jalǵastyramyz, — dedi mınıstr.
Buǵan deıin Myrzabosynov Shaıdorovtyń jattyqtyrýshysy aýysýyna qatysty pikir bildirgen edi.