Myrza Erkenbek Qazaqstan boks federatsııasynyń sport dırektory bolyp taǵaıyndaldy
ASTANA. KAZINFORM — Myrza Erkenbek Qazaqstan boks federatsııasynyń sport dırektory qyzmetine taǵaıyndaldy.
Buǵan deıin Qazaqstan boks federatsııasy bas hatshysynyń keńesshisi qyzmetin atqarǵan Myrza Erkenbek endi federatsııanyń sport baǵytyna jetekshilik etedi.
Jańa qyzmetinde ol ulttyq jáne jastar quramalarynyń jattyǵý protsesin uıymdastyrý men úılestirýge, halyqaralyq jarystarǵa daıyndyqty baqylaýǵa, jattyqtyrýshylar shtabymen ózara jumys isteýge, sondaı-aq federatsııanyń sporttyq strategııasyn júzege asyrýǵa jaýap beredi.
Sport dırektorynyń basty mindeti — qazaqstandyq boksshylardyń halyqaralyq arenadaǵy básekege qabiletin arttyrý, ulttyq quramanyń turaqty joǵary nátıjelerge qol jetkizýine qajetti jaǵdaı jasaý jáne eldegi boks sportynyń damýyna úles qosý.
Eske salaıyq, buǵan deıin Taraz qalasynda bokstan Qazaqstan chempıonaty bastalǵanyn jazǵan edik.
