Mıroslav Beranek Qazaqstan fýtbol quramasynyń bas bapkeri laýazymynan ketti
ASTANA. 9 qańtar. QazAqparat - 2013 jyldyń 31 jeltoqsanynda QR fýtbol quramasynyń bas bapkeri Mıroslav Beranek pen Qazaqstan fýtbol federatsııasynyń arasyndaǵy kelisimsharttyń merzimi aıaqtaldy.
Federatsııa saıtynda habarlanǵandaı, quramaǵa jańa basshy keledi. Óz kezeginde federatsııa qyzmetkerleri, kóp jyldar boıy Qazaqstan aıaqdopshylaryn baptaǵan chehııalyq maman M.Beranekke kesteli shapan kıgizip, shyǵaryp saldy. «Qazaqstan fýtbol federatsııasymen aramyzdaǵy qarym-qatynas osymen támamdaldy. Meni quramamen jumys jasaýǵa shaqyrǵanda ony jańa bir beles retinde erekshe qulshynyspen qabyl aldym jáne sol sheshimim úshin esh ýaqytta da ókingen emespin. Munda qyzmet atqarǵaly beri elde talaı oqıǵalar ótti, biraq biz bir komanda retinde jumyla jumys isteýdi toqtatqan joqpyz. Osy jyldar ishinde meniń tálimgerlerim odan da myqty bola tústi dep senemin. Men óz kúsh-jigerimdi jumysyma salýǵa tyrystym. Kóptegen matchtarda biz Qazaqstan quramasyn óz múmkindiginiń eń joǵary deńgeıine shyǵara aldyq. Biz árqashan barymyzdy salyp oınadyq. Bolashaqta qaı jerde jumys atqarmasam da, Qazaqstandy jyly sezimmen eske alyp otyramyn», - dep atap ótti M.Beranek.
