Mırcha Lýcheský «Zenıttiń» bas bapkeri bolyp taǵaıyndaldy
ASTANA. QazAqparat - Rýmynııalyq maman Mırcha Lýcheský Reseı chempıonatynda óner kórsetetin sankt-peterborlyq «Zenıttiń» bas bapkeri bolyp taǵaıyndaldy. Bul týraly Lýcheskýdyń agentine silteme jasap Bı-bı-sı habarlady.
«Dúısenbiden seısenbige qaraǵan túni kelisimshartqa qol qoıyldy. Kelisim «2+1» júıesimen jasalǵan, biraq ony tolyqqandy úshjyldyq kelisimshart desek te bolady. Óıtkeni eki jyl ótken soń taraptardyń eshqaısysy kelisimsharttyń buzylatyny týraly jazbasha túrde eskertý jasamasa, avtomatty túrde kelisimsharttyń úshinshi jyly kúshine enedi», - dep atap ótti Mırcha Lýcheskýdyń agenti Arkadıı Zaporojaný.
Buǵan deıin Lýcheský 12 jyl boıy Ýkraınanyń azýly komandasy donetskilik «Shahterdiń» bas bapkeri bolǵan edi. «Shahter» osy jyldary 8 dúrkin el chempıony, 6 ret Ýkraına kýbogy men 7 márte sýperkýbogyn jeńip aldy. 2009 jyly ÝEFA Kýbogyn ıelengen.
BAQ-ta jarııalanǵan aqparatqa sáıkes, Lýcheskýdyń jalaqysy jylyna 5 mln eýro bolmaq, al komandaǵa jańa oıynshylardy tartý úshin oǵan 60 mln. dollar kóleminde qarajat bólinedi.
Lýcheskýǵa deıin «Zenıtti» portýgalııalyq Andre Vıllash-Boash jattyqtyrǵan bolatyn.
