Mıras Jalmýrzın Atyraý oblysynyń mamandandyrylǵan tabıǵat qorǵaý prokýrory boldy

ATYRAÝ. KAZINFORM – Bas prokýrordyń buıryǵymen Atyraý oblysynyń mamandandyrylǵan tabıǵat qorǵaý prokýrory taǵaıyndaldy. Endi bul laýazymdy Mıras Jalmýrzın atqarýǵa kiristi. 

Atyraý oblysy prokýratýrasynyń málimetine qaraǵanda, Mıras Erkebulanuly 1993 jyly týǵan. Prokýratýra organyndaǵy eńbek jolyn 2016 jyly bastaǵan.

«Ár jyldary Qurmanǵazy aýdany prokýrorynyń kómekshisi, Atyraý qalasy prokýratýrasynyń bólim prokýrory, bólim aǵa prokýrory bolyp jumys istedi. Budan soń Atyraý oblysy prokýratýrasynyń basqarma prokýrory, basqarma aǵa prokýrory laýazymdaryn atqardy. Osy taǵaıyndaýǵa deıin Atyraý qalasy prokýrorynyń orynbasary boldy», - dep habarlady oblystyq prokýratýradan.

Synyptyq sheni – 1 synypty zańger.

Eske sala ketelik, buǵan deıin Atyraý oblysynda 4 aýdannyń jańa prokýrorlary qyzmetke kiristi. Onyń biri Abzal Sahıev Atyraý oblysynyń Reseımen shekaralas aýdanyna jańa prokýror taǵaıyndaldy. 

Al, Inder aýdanynyń prokýror laýazymyn Narıman Eshmanov atqaratyn boldy.

Sondaı-aq, Atyraý oblysynyń taǵy eki aýdanyna jańa prokýror taǵaıyndalǵanyn habarlaǵan edik.