Mıras Sabaǵanov SQO eńbek ınspektsııasynyń basshysy laýazymyna taǵaıyndaldy
Soltústik Qazaqstan oblysy ákimdiginiń memlekettik eńbek ınspektsııasy basqarmasyna Mıras Sabaǵanov basshy bolyp taǵaıyndaldy, dep habarlaıdy Kazinform.
Mıras Sabaǵanov 1985 jyly SQO Mamlıýt aýdany Novomıhaılovka aýylynda dúnıege kelgen.
M. Qozybaev atyndaǵy SQÝ-di «kólik, kólik tehnıkasy jáne tehnologııalary», RF Túmen memlekettik ýnıversıtetin «menedjment» mamandyqtary boıynsha bitirgen.
Eńbek jolyn «Petropavl qalasynyń TKSh, jolaýshylar kóligi jáne avtomobıl joldary bólimi» MM avtomobıl joldary jáne jolaýshylar kóligi sektorynyń ınspektory bolyp bastady. Keıin osy bólimde bas mamanǵa deıin kóterildi.
«SQO Memlekettik eńbek ınspektsııasy basqarmasy» MM eńbek qatynastaryn baqylaý bóliminiń, eńbek qaýipsizdigin baqylaý jáne eńbekti qorǵaý bóliminiń bas mamany, keıin osy bólimniń basshysy boldy.
Osy qyzmetke taǵaıyndalǵanǵa deıin «SQO Memlekettik eńbek ınspektsııasy basqarmasy» MM basshysynyń orynbasary bolyp eńbek etti.
