Miramax kınostýdııasyn Katardaǵy medıakompanııa satyp aldy
ASTANA. QazAqparat - Katarlyq BeIn medıatoby 700-ge jýyq fılmdi, sonyń ishinde «Krımınaldyq izettilik» (Pulp fiction), «Aǵylshyn patsıenti» (Tht English patient) jáne «Jasy úlkenderge meken emes» (No country for old men) fılmderin túsirgen amerıkalyq Miramax kınostýdııasynyń 100 paıyz aktsııalaryn satyp alǵanyn habarlady.
Bı-Bı-Sı agenttiginiń habarlaýynsha, Mámileniń jalpy somasy jarııa etilmedi. BeIn taratqan baspasóz habarlamasynda, stýdııanyń aktsııalary katarlyq Qatar Investment Authority memlekettik ınvestıtsııalyq kompanııasy men kalıfornııalyq Colony Capital-dan satyp alynǵany kórsetilgen.
BeIN málimdemesi boıynsha, Taıaý Shyǵys, Soltústik Afrıka, Eýropanyń 24 elinde, sondaı-aq AQSh-ta telearnalarǵa ıelik etip otyrǵan Miramax táýelsiz kınokompanııa retinde jumys istep jatyr.
Kınokompanııanyń jańa ıeleri stýdııa fılmderin taratý júıesin keńeıtýdi, sondaı-aq jańa fılmderdi túsirýge qatysýdy kózdegenin málim etken.
