Myńjyldyq sapar — gúldengen Jibek jolynyń jańa kezeńi

«Bir beldeý, bir jol» bastamasyna 10 jyl toldy. Osyǵan oraı Qytaıdyń Jenmı́n jıbáo basylymy «Bir beldeý, bir jol» bastamasy týraly derekti fılm túsirdi, dep habarlaıdy Kazinform. 

Jibek joly. Myńdaǵan shaqyrymǵa sozylǵan bul jol myńdaǵan jyldar boıy saqtalǵan. Túıe kerýender «Qytaı-Eýropa» konteınerlik júk poıyzdaryna aınalyp, osy baǵyt boıynsha Shyǵys pen Batys arasynda ártúrli tásildermen taýarlar úzdiksiz tasymaldanady.

Erjúrek pıonerler Shyǵys pen Batys arasyndaǵy baılanys kópirin salý úshin shólderdi, kólderdi jáne muhıttardy kesip ótti.

Búginde «Bir beldeý, bir jol» qurylysshylary mádenı-geografııalyq shekaralardy eńserip, Qytaıdy álemmen baılanystyryp otyr. 

Bıyl «Bir beldeý, bir jol» bastamasynyń iske qosylǵanyna 10 jyl tolady. Qytaı men búkil álem gúldengen Uly Jibek jolynyń jańa beınesin salý úshin birlesip jumys atqaryp jatyr. 

Osydan 10 jyl buryn Qazaqstannyń elordasy Astanada QHR Tóraǵasy Sı Tszınpın mańyzdy sóz sóılep, «Jibek jolynyń ekonomıkalyq beldeýin» birlesip qurýdy usynǵan bolatyn.

QHR tóraǵasynyń bul usynysy Qazaqstannyń barlyq salalarynda qyzý qoldaý tapty.

Sońǵy 10 jylda Qytaı men Qazaqstan eki el basshylarynyń jeke qoldaýymen jáne birlesken basshylyǵymen ondaǵan aýqymdy yntymaqtastyq jobasyn sátti júzege asyryp, eki eldiń halqyna paıda ákelip, eki eldiń ortaq damýyna úles qosty.

«Bir beldeý, bir joldy» birlesip qurý tujyrymdamasy keń aýqymdy salalardy qamtıdy jáne Qytaı-Qazaqstan úshin ártúrli salalardaǵy yntymaqtastyqty nyǵaıtý úshin keń perspektıvalar ashty. 

2014 jyldyń qarashasynda Qazaqstan Qytaıdyń «Bir beldeý, bir jol» bastamasymen úndes «Nurly jol» atty jańa ekonomıkalyq saıasatty usyndy.

Baǵdarlamalar sáıkes keledi jáne birin-biri tolyqtyrady.

«Bir beldeý, bir joldy» birlesip salý Qazaqstan ınfraqurylymynyń damýyna, ásirese Qytaı-Qazaqstan avtomobıl jolynyń, temirjol tranzıtiniń jáne halyqaralyq mýltımodaldy kólikterdiń damýyna yqpal etip, Qazaqstannyń damýyn jedeldetý jáne ártúrli salalardaǵy ekijaqty yntymaqtastyqty keńeıtý úshin mańyzdy negiz qalady. 

Bıylǵy qazan aıynda Beıjińde «Bir beldeý, bir jol» halyqaralyq yntymaqtastyq jónindegi 3-shi joǵary deńgeıdegi forým ótti.

Bul shara — «Bir beldeý, bir jol» bastamasynyń 10 jyldyǵyn atap ótýge arnalǵan eń saltanatty shara ǵana emes, sonymen qatar barlyq taraptar úshin joǵary sapaly birlesken qurylys salasyndaǵy yntymaqtastyqty talqylaýdyń mańyzdy alańy.

«Bir beldeý, bir jol» halyqaralyq yntymaqtastyǵy forýmyna oraı Qytaı men halyqaralyq qaýymdastyq nátıjeni qorytyndylap, yntymaqtastyqty nyǵaıtady.

Sonymen qosa «Bir beldeý, bir jol» jobasynyń joǵary sapaly birlesken qurylysyn odan ári damytýdy anyqtap, elder arasyndaǵy ózara tıimdilik pen ortaq paıdaǵa, halyqtar arasyndaǵy dostyq pen mádenı jaqyndyqqa jáne órkenıetterdi ózara úırenýge negizdelgen «Jibek joly» dáýiriniń jańa taraýyn ashady.

«Bir beldeý, bir jol» bastamasy jahandyq damý úshin seriktestikterdi qalyptastyrýǵa serpin beredi dep kútilip otyr.