Mınskidegi lańkestik árekette qaza tapqandar sany arta tústi
MINSK. 12 sáýir. QazAqparat /Aıtýar Mamlın/ - Jergilikti ýaqyt boıynsha saǵat 9.00-degi naqtylanǵan málimet boıynsha Mınsk metrosynda bolǵan lańkestik áreket barysynda 12 adam qaza tapty, onyń 9-ynyń jeke tulǵasy anyqtalyp, 157 adam aýrýhanaǵa jetkizildi.
Bul týraly jergilikti BAQ habarlap otyr.
12 sáýir kúni túnde, Mınsk qalasynyń aýrýhanalarynyń birinde Belarýs astanasyndaǵy jarylys kezinde jaraqat alǵan azamat qaıtys boldy. Sóıtip, lańkestik áreket kezinde qaza tapqandar sany 12 adamǵa jetti.
26 zardap shekken adamnyń jaǵdaıy múshkil, 58-i ortasha múshkil halde, 67-siniń jaǵdaıy qanaǵattarlyqtaı. Tańǵy saǵat 05.00-ge shaqqanda jedel medıtsınalyq kómekke qosymsha 18 zardap shekken adam júgindi, olardyń 12-si statsıonarǵa jetkizilip, onyń altaýy aýrýhanaǵa jatqyzyldy.
